සළාවැටුම​

වෙසක් හඳ මෝරද්දි බලා පස් මහ බැලුම් 

දස එකඩ මස් පිරී විලිරුදා දරනවා කැකුළු මල් පූදින්ට

උයන් තීරෙට යාව ​ ගං දඟරයක් හදා

මහවැළිය පුරුද්දට ​වගේ ඔහෙ ගලනවා

ගන්නෝරු නැම්ම ළඟ මොහොතකට නැවැතිලා

අන්තීම හුස්ම පොද පිටකරන්නට වගේ

ගඟ​ අඟිරි ගානවා බර​ සුසුම් හෙලනවා

කැන්දකඩු කන්ද මුදුනින් එබී               

රත් වණින් ළහිරු රැස් ගලනවා

ලතාවට ඇදෙන​ නිල් දියවරට

බොර දියත් නොවනා වැහි දියත් නොවනා

අවපාට දියත්තක් මුසු වෙලා තියෙනවා

මුවවිටක් පිරී ඇති ගෝනි කට​  

බැඳ දැමු කලු පාට​ වයර් පට 

ලිහාගත නොහැකිවී,

හබල් නැති ඔරු පියලි මෙන්

එක දිසානතියකට​ ඇදී යන​

ගෝනිමලු පෙරහැරක් ගඟ දිගේ ඇදෙනවා

ඉකිබිඳේයැයි බියෙන් ගන්නෝරු වෙල් යාය

බැලූ අත බලාගෙන ඉන්නවා

චක්‍රාකාර  ජ්‍යාමිතික රටාවක් සනිටුහන් කරමින්

භද්‍ර යෞවනේ අති ධාවනික ගමනකින්

අජීවී ගෝනිමලු ​ එකා පසු පස එකා

සළාවැටුමට මැදිව හක්කලං කරනවා​

උද්‍යාන භූමියේ ගං දියට නැඹුරු වුණ

විසල් ශාකයක පිපි රත් පැහැති මල් කිණිති,

දිය මතට පතිතවී පාවුණා ගඟ දිගේ

ගෝනි කඩමලු වලට තනි නොතනියට වගේ

මල්ලිකා එම් බණ්ඩාර​

11. 04. 2016